Баерн најде наследник на Левандовски од 100 милиони

Баерн Минхен е сериозно заинтересиран по голгетерот на Напол Виктор Осимен, пренесуваат германските медиуми.

Баварците се во потрага по нов напаѓач кој ќе биде наследник на Левандовски, а раководството верува дека Осимен ќе биде идеален избор.

Сепак, Наполи нема лесно да се откаже од него и за слободата на Осимен бара 100 милиони евра, а покрај Баерн за него се заинтересирани уште Њукасл и Манчестер Јунајтед.

Осимен пред две години пристигна во Наполи за 70 милиони евра и се етаблираше во еден од најдобрите напаѓачи во Серија А.

Неговиот агент веќе стапил во контакт со Баварците и Осимен е спремен да се пресели во Минхен и да направи чекор напред во кариерата.