Ајакс купи дефанзивец за рекордна сума

Холандскиот гигант Ајакс е блиску до потпис со дефанзивецот на шкотски Ренџерс, Калвин Баси.

22-годишниот нигериски интернационалец ќе се пресели во тимот од Амстердам за 22 милиони евра, а планирани се уште 5 во вид на бонуси во зависност од учинокот.

Ренџерс, исто така, ќе добие 10 отсто од следната продажба на играчот, кој беше привлечен пред две години од Лестер за скромни 230.000 фунти.

Тоа ќе биде рекорден трансфер во историјата на Ренџерс, а Баси доаѓа во Ајакс како замена за Лисандро Мартинез кој се сели на „Олд Трафорд“.