Атлетико почна преговори со Ван Бисака

Атлетико Мадрид е заинтересиран за дефанзивецот на Манчестер Јунајтед, Арон Ван-Бисака, пренесуваат шпанските медиуми.

Новиот менаџер на „црвените ѓаволи“, Тен Хаг нема да смета на Ван Бисака и му порачал да си бара нов клуб, а Атлетико сака да ја искористи таквата ситуација.

Симеоне е во потрага по квалитетен десен бек после заминувањето на Трипие и смета дека Ван Бисака одлично ќе се вклопи во тимот.

Директорот на Атлетико, Андреа Берта веќе имаше првичен разговор со шефовите на Манчестер Јунајтед за можноста за таков трансфер и добил позитивни сигнали.

Сепак, „јорганџиите“ ќе мора да ја победат конкуренцијата бидејќи многу англиски клубови го сакаат Ван Бисака во своите редови.