Аталанта договори големо засилување

Аталанта го договори првото големо засилување во јануарскиот преоден рок, а станува збор за ѕвездата на Сасуоло, Жереми Бога.

25-годишниот крилен напаѓач покажа дека е голем потенцијал и може да се развие во еден од најдобрите играчи во Серија А.

Бога пристигна во Сасусоло од Челзи, па откако „сините“ не ја искористија можноста да го вратат, италијанскиот клуб целосно го откупи неговиот договор.

Сега Аталанта за неговиот потпис ќе плати 23 милиони евра, а се очекува трансферот да биде комплетиран во следните денови.