Алегри: Пет години исполнети со љубов, сигурно ќе ме наследи голем тренер!

Јувентус денес и официјално потврди дека Масимилиано Алегри нема да биде тренер наредната сезона.

Алегри во сабота во 14 часот заедно со претседателот Ањели ќе одржи пресконференција со која ќе се збогува од Јувентус.

Во меѓувреме, новинарите во Италија успеаа да земат кратка изјава од Алегри, кој е сигурен дека него ќе го наследи голем тренер.

„Беа потребни пет години да се изгради овој Јуве, но тоа е тоа. Животот е таков, сега си одам дома, а потоа ќе одморам малку покрај море“, изјави Алегри.

„Не знам кој ќе ме наследи, но Јувентус ќе донесе голем тренер, бидејќи е голем клуб. Ова беа пет години исполнети со голема љубов, за мене тоа е долг период“, додаде италијанскиот тренер.

BREAKING: Juventus confirm manager Max Allegri will leave the club this summer after winning 11 trophies in five years pic.twitter.com/WPAw8dBe8V

— B/R Football (@brfootball) May 17, 2019