Вокер со порака до Феликс: Додај ја топката, никој овде не е Меси

Жоао Феликс, четвртиот најскап фудбалер во историјата, никако не успева да ја фати константната форма или да остане подолго во некој клуб. Минатата недела Фабрицио Романо пишуваше дека Милан не мисли да го откупи од Челзи на крајот на сезоната. Тоа значи дека офанзивниот играч за врска ќе се врати во Лондон ова лето.

Милан ја плати неговата позајмица 5,5 милиони евра, а за Росонерите има 11 настапи и еден гол од неговото пристигнување во клубот.

Неговиот последен натпревар за Милан остана запомнат само по тоа што пред почетокот на второто полувреме го укори неговиот соиграч Кајл Вокер.

Вирална стана сцената при излегувањето на играчите на Милан од тунелот кај Наполи во последното коло на Серија А. Домаќините водеа со 2:0 по првиот дел.

Kyle Walker to Joao Felix: “Just pass the ball, no one here is Lionel Messi”

pic.twitter.com/zP1Y3w263r

— Leo Messi 🔟 Fan Club (@WeAreMessi) April 1, 2025