Во трката за „Златната топка“ појави изненадувачки фаворит – ова се кандидатите!

Трката за “Златната топка” е далеку од својот крај, но барем се насетува кој би можел да биде во најтесниот круг на кандидати. 

Според последните истражувања, моментално главниот фаворит за престижната награда е Рафиња, а потоа следат Килијан Мбапе и Ламин Јамал.

Главната вест во однос на минатата недела е тоа што Мохамед Салах испадна од трката, и покрај импресивните индивидуални резултати, го чинеше исфрлањето од Лигата на шампионите и поразот во финалето на ФА купот.

Трката ја предводат асовите на Барселона и Реал, кои сѐ уште се во игра за сите три трофеи.

Барселона е лидер во Ла Лига, со ист број на бодови како и Реал Мадрид, но Каталонците имаат и еден натпревар помалку. Исто така, и двата тима се во игра за пласман во финалето на Кралскиот куп, како и во Лигата на шампионите, каде се соочуваат со Арсенал и Борусија Дортмунд.

Сепак, во врвот е и Усман Дембеле, кој игра импресивно во 2025 година и сигурно ќе биде меѓу кандидатите, особено ако ПСЖ стигне до самиот крај во Лигата на шампионите.

Што се однесува до индивидуалните бројки, Рафиња има постигнато 27 голови и дури 21 асистенција, Мбапе има 30 голови и четири асистенции, а Јамал има 13 голови и 17 асистенции.