Винисиус не оди во Саудиска Арабија, туку во поранешен европски шампион?

Јасно е дека со заедно со Килијан Мбапе и Џуд Белингем, Бразилецот Винисиус Жуниор е една од главните ѕвезди на Реал Мадрид.

Се повеќе во последно време се зборува дека Винисиус може да ја продолжи својата кариера во Саудиска Арабија, но како што стојат работите може да се случи и голем пресврт.

Огромен интерес за ангажирање на ѕвездата на Реал Мадрид и репрезентативецот на Бразил покажа поранешниот европски шампион, а станува збор за екипата на Челси.

Понудата од Саудиска Арабија е присутна за Бразилецот и луѓето од таа лига сакаат што поскоро да го доведат.

Сепак, Винисиус одеднаш добива можност да ја продолжи кариерата во Премиер Лигата, и ако некогаш имал таква желба, сега може да ја исполни, тврдат новинарите на ТБР Фудбал.

Челси наводно е подготвен да испрати понуда на адреса на Реал Мадрид, но само во случај ако Бразилецот изрази дека сака да го напушти овој клуб.