Tребаше да биде големо засилување за Ливерпул, а сега направи трансфер каде што никој не очекуваше

Наби Кеита е на пат кон Будимпешта каде што ќе направи лекарски прегледи пред да потпише за – Ференцварош!

„Скај спорт“ откри ексклузивна информација дека Кеита ја прифатил понудата на унгарскиот клуб, но останува да ги помине лекарските прегледи, бидејќи е познато дека е склон на повреди, а последниот натпревар го одигра уште во март.

Како што е познато, Наби Кеита беше суспендиран во Вердер, откако одби да отпатува на натпреварот во Леверкузен кога дозна дека нема да биде стартер.

Тренерот Оле Вернер го отстрани во резервниот тим, од тогаш не се вратил ниту на тренинг со остатокот од тимот, тренираше индивидуално и чекаше понуда. Летово немаше доволно привлечни опции, сега нема избор, па прифатил да оди на позајмица во Ференцварош за една година. 

Како што е познато, Кеита е поранешен ас на Ливерпул, кој го напушти летото 2023 година кога се врати во Германија, во редовите на Вердер. Врвот на својата кариера го доживеа во Лајпциг, каде што го забележаЈирген Клоп и го купи за тогаш огромни 60 милиони евра. Но, од 2018 до 2023 година Кеита имаше многу проблеми со повреди, особено во последната сезона пред да замине. 

Секако, и покрај се, неговото име е најголемо во модерната историја на унгарскиот фудбал.

Сега му останува да се подготви и да биде на располагање на тимот во втората половина од сезоната.