Алонсо пред тежок избор: Кој е подобар – Мбапе или Роналдо?

Чаби Алонсо смета дека Реал Мадрид повторно е на вистинскиот пат по победата над Атлетико во Билбао.

Тој особено го пофали Килијан Мбапе, кој блеска оваа сезона, а многумина веруваат дека Французинот може да урне дури и многу рекорди на Кристијано Роналдо во Мадрид. Алонсо не избра страна меѓу нив двајцата, а потсетуваме дека беше соиграч на Роналдо.

„Кристијано е Кристијано, а Килијан е Килијан. Станува збор за феноменални, посебни играчи и не треба да се споредуваат. Имаме среќа што Мбапе е во нашата екипа и треба да го искористиме тоа максимално. Килијан е на пат да ја испише историјата на Реал Мадрид, како што го направи и Роналдо. Што се однесува до нивните карактери, амбиции, статистика, тие се елитни во секоја смисла”, рече Алонсо.

Французинот оваа сезона веќе постигна 25 голови во Ла Лига и Лигата на шампионите, за 20 натпревари, и ако продолжи со такво темпо, навистина би можел да постави многу рекорди.