„Тајниот план“ на Перез – да го продаде Винисиус за 300 милиони евра и да купи три ѕвезди

Времето и животот се менуваат, па така судбината на многу играчи е навистина несигурна, нешто што би можело да му се случи и на Винисиус Јуниор, кој е на работ на заминување од Реал Мадрид и преселување во Саудиска Арабија.

Реал Мадрид го доведе ова лето Килијан Мбапе и составен е еден од најсилните напади во светот, но сега овој состав може да претрпи значителна промена.

Богатите Арапи му нудат неверојатни суми на Бразилецот за договор, а освен тоа, Реал би добил рекордна сума од околу 300 милиони евра.

Секој има свое мислење и свои информации, но новинарот Алберто Переиро многу е јасен за тоа што Реал Мадрид треба да направи ако се потврди заминувањето на Бразилецот и што всушност е некаков „таен план на Перез”.

„Ако Реал Мадрид заработи 300 милиони, ќе го потпише Родриго”, изјави новинарот кој верува дека одличниот Шпанец од редовите на Манчестер Сити е желба на првиот човек на Реал.

Втората желба е Ерлинг Халанд. Норвежанецот е долгорочна желба на „кралевите“, а сонот на Перез е да го спои еден ден со Мбапе.

И третата, можеби најреалистична опција е да се доведе Вилијам Салиба. 23-годишниот француски дефанзивец моментално е во Арсенал, но во Мадрид го гледаат како долгорочно решение на позицијата стопер.