Taлески: Оваа репрезентација има иднина, критиките некогаш се премногу лични

Ракометарите на Македонија се вратија од Светското првенство во Египет на кое го освоивме 23. место.

Еден од играчите кои добија најмногу критики беше Филип Талески. Денес Талески беше гостин во утринската програма на МТВ каде помеѓу другото зборуваше и за иднината на репрезентацијата.

„Дојде време да преземеме одговорност. Мораме да почнеме самите од себе и да ги решиме „бубачките“ во главата и да дојде денот кога ќе ја водиме репрезентацијата. Критиките се добредојдени, но некогаш се и премногу лични. Ракометот стана број еден и се очекува многу од нас на секој голем настан. Јавноста не ја знае целата слика, едно е кога сте внатре, друго кога гледате од надвор. Верувам дека Македонија во иднина пак ќе биде горда на ракометарите, имаме иднина и ќе го докажеме тоа“, изјави Талески.