Скандал во кампот на Јунајтед, Гарначо го поддржа Рашфорд

Мал скандал изгледа дека се заформува во кампот на Манчестер Јунајтед, откако Алехандро Гарначо објави фотографија на своите социјални мрежи, на која аргентинецот носи дрес на Астон Вила со името на Маркус Рашфорд.

Англичанецот пак одговори со пост “мој брат”. Претходно, во англиските медиуми се тврдеше дека двајцата фудбалери не се во особено добри односи, а дури и дека луѓе од кампот на Рашфорд го нарекле Гарначо “имитатор на Роналдо”.

Двајцата фудбалери беа истовремено отстранети од групата на “црвените ѓаволи” во јануари за дербито со Манчестер Сити, иако причините не беа целосно јасни. Потоа секој од нив имаше различна судбина.

Англичанецот беше на заем во Астон Вила, но и покрај некои добри перформанси во тимот од Бирмингем, тие одбија да го откупат. Аргентинецот изгледа дека го врати довербата на Аморим и играше доста до последните неколку недели на сезоната, кога беше поставен на клупата. Поранешниот фудбалер на Атлетико Мадрид, сепак, влезе во специфичен конфликт со менаџерот на тимот по финалето во Лига Европа и подоцна повторно беше изваден од групата, а според информациите во медиумите, на обајцата им е кажано дека немаат повеќе пат кон враќање во тимот и треба да бараат нов клуб.

Сега, сепак, различни аналитичари тврдат дека овие се сосема намерни постапки од играчите кои не само што сакаат да ја изразат својата позиција, туку и во исто време да ја ослабат позицијата на Манчестер Јунајтед во преговорите со секој потенцијален кандидат за нивните потписи.

📲 Алехандро Гарначо на Инстаграм. pic.twitter.com/1QxMmcNon5

— centredevils. (@centredevils) 22 јуни 2025