МАНЧЕСТЕР СИТИ сака поголемиот дел од своите летни трансфери да ги заврши пред почетокот на Светското клупско првенство, истакнуваат англиските медиуми. После резултатски неуспешната сезона и победата само во Комјунити Шилд, во клубот од Етихад е заклучено дека ќе биде потребно да се доведат нови играчи. Обновата на составот започнува брзо и главниот дел треба да се заврши во наредните недели.
“Одредивме кои точно се нашите цели, на кои позиции, и имаме наши први и втори јасни опции. Почнуваме да работиме. Целта е да имаме нов тим за Светското клупско првенство”, изјави претседателот на клубот, Халдун Ал Мубарак.
Финале во Лига на Шампиони: Младиот ПСЖ против искусниот Интер! ↓↓↓
Се очекува дека првиот потврден трансфер ќе биде Тијани Рејндерс. Холандскиот интернационалец и играчот од средината на теренот на Милан импресионираше во Италија оваа сезона, и покрај тоа што Милан заврши на осмото место. Тој е прогласен за најдобар играч на средината од теренот во Серија А, а Сити е заинтересиран за неговото доведување.
Се очекува дека овој трансфер би можел да ги чини Сити околу 65 милиони евра.
Учество во игри на среќа е дозволено за лица со 18+ години. Играј одговорно!