Во Ајакс, изгледа, повторно ги оживуваат духовите на минатото. Откако Кројф го договори преземањето на функцијата технички директор, во Амстердам наскоро може да пристигне и синот на уште една клупска легенда. Ајакс, всушност, работи на донесување на талентираниот 19-годишен Максимилијан Ибрахимовиќ од АК Милан, а според извори од Италија, трансакцијата би требало да се реализира како позајмица со опција за откуп, пишува холандскиот „Де Телеграф“.
Планот на амстердамскиот клуб е Ибрахимовиќ помладиот да тренира со првиот тим, додека на почетокот од натпреварите би играл за Јонг Ајакс. Младиот напаѓач, кој игра на позицијата лево крило, има договор со Милан до летото 2027 година и веќе три пати неделно тренира со сениорскиот тим на овој италијански гигант.
До кога ќе дишеме отровен воздух!? | Уште еден поткаст
Неговото менаџерство разгледувало неколку опции во Холандија, но по разговорите со повеќе клубови, играчот на младинскиот тим на Милан (Milan Futuro) наводно го претпочитува Ајакс поради добриот план што му го претставија. Во моментот се преговара за моделот на соработка, а позајмица со право на откуп изгледа како најверојатната опција.
Учество во игри на среќа е дозволено за лица со 18+ години. Играј одговорно!