Синот на Сидорф стана дел од Милан, а во неговото семејство 11 членови станале професионални фудбалери

Се случувало во светот на фудбалот едно семејство да има двајца или тројца познати фудбалери, но случајот со семејството на Кларенс Сидорф е навистина туникатен во секоја смисла бидејќи дури 11 членови од потесното семејство на екс-фудбалерот на Милан биле или се уште се професионални фудбалери.

Кариерата Кларенс Сидорф ја заврши во 2014 година и во пензија замина како единствениот фудбалер кој со три различни клубови ја освоил Лигата на шампионите. Го направи тоа со: Реал Мадрид, Ајакс и Милан.

Славниот фудбалер за врска по завршувањето на тренерската кариера се проба и во тренерските води, но денеска е члена на Фудбалскиот сојуз на Холандија и работи како супервизор за фудбалот во оваа земја.

Но, она што е посебно актуелно за Кларенс е што и неговиот син Дензел Виан Сидорф кој има 17 години од вчера е приклучен на сениорскиот состав на тимот. Ако по утрото денот се познава, младиот Дензел Сидорф би можел да биде достоен наследник на својот татко бидејќи прикажуваше одлични настапи во кадетскиот тим и игра на идентична позиција централен играч за врска.

Во продолжение можете да погледнете и каде настапуваат или настапувале пензионираните фудбалери од семејството Сидорф.