Шпански голман почина по ударот во главата

Голманот Раул Рамирез почина по судир со противник за време на натпревар на петтолигашиот шпански клуб Колиндрес, пренесува агенцијата Ројтерс, цитирајќи ја Федерацијата на областа Кантабрија (РФКФ).

Рамирез беше удрен во главата на саботниот натпревар против Ревија. Шпанските медиуми пишуваат дека Рамирез, само на 19 години, добил срцев удар и подоцна лекарите прогласиле мозочна смрт.

Областа Кантабрија е во тридневна жалост, а натпреварите за време на викендот ќе започнат со минута молк.