Шок во Мадрид: Валенсија со гол во 95 минута ги „расплака“ „кралевите“ (Видео)

Фудбалерите на Валенсија приредија големо изненадување и во рамките од 30. коло во шпанското првенство славеа победа над Реал Марид со 1-2.

Реал Мадрид првата голема шанса за водство ја пропушти во 13-тата минута кога Винисиус не реализираше пенал. Само две минути подоцна стигна казната, Валенсија поведе со голот на Диакаби. Со тој гол Валенсија замина и со предност на полувремето.

По пет минути игра во второто полувреме „кралевите“ стигнаа до израмнување со погодокот на Бразилецот Винисиус Жуниор. Реал притискаше и сакаше да дојде гол за победа ,а кога не ги искористи своите шанси стигна казната. Дуро го искористи нафрлувањето на Рафа Мир и со глава во 95. минута погоди за голема победа.

Интересно е што за Валенсија која игра една од најлошите сезони во својата историја ова беше прва гостинска победа сезонава. Исто така пред денешниот натпревар последен пат во Мадрид над „кралевите“ славеа во 2008 година. Македонскиот голман Столе Димитриевски натпреварот го помина на клупата за резерви.

Барселона сега има прилика со победа над Реал Бетис вечерва да дојде до шест бода предност во последните осум кола во сезоната.

Фото: Valencia CF