Германскиот тренер Томас Тухел, селектор на фудбалската репрезентација на Англија, остана доследен на својата одлука и не ја пееше англиската химна пред својот прв натпревар на клупата на репрезентацијата против Албанија на „Вембли“.
Тухел, претходно најави дека нема да ја пее „God Save the King“ сè додека не почувствува дека го заслужува тоа.
Совети од нутриционист: Вистината за исхраната! Што е најдобро за вашето здравје? ↓↓↓
– Мислам дека тоа не е нешто што се подразбира. Не можете едноставно да ја пеете. Поради тоа одлучив да не го правам тоа во првите натпревари – изјави Тухел пред дуелот со Албанија.
Тој нагласи дека англиската химна носи силна емоционална и симболична вредност и дека прво сака да стекне довербата на навивачите, играчите и целата фудбалска заедница.
– Морам да го заслужам правото да ја пеам – можеби преку подлабоко запознавање на културата, преку работа и резултати. Само кога луѓето ќе почувствуваат дека сум дел од нив, дека сум англиски селектор во вистинска смисла на зборот, тогаш ќе дојде и моментот да ја запеам – додаде Тухел. Медиумите во Англија, недолго откако натпреварот започна, истакнаа дека Тухел не пееше, а неговата репрезентација на крајот победи со резултат 2:0.
Учество во игри на среќа е дозволено за лица со 18+ години. Играј одговорно!