Салах најави заминување, Ал Хилал ја спреми понудата

Ал Хилал ја подготвува својата понуда за напаѓачот на Ливерпул Мохамед Салах, тврди новинарот Николо Скира.

Според изворот, саудискиот клуб на 32-годишниот Египќанец ќе му понуди договор до 2028 година.

Египќанецот веќе најави дека е многу веројатно дека ќе ја игра својата последна сезона во Ливерпул. Неговиот актуелен договор со англискиот тим истекува во јуни 2025 година, при што двете страни преговараат за нов договор, но засега нема индиции дека ќе биде продолжен.

Оваа сезона Салах одигра 31 натпревар за Ливерпул во сите натпреварувања, постигнувајќи 22 гола и 17 асистенции.