На гостувањето кај Линколн Ред Импс во четврток, Хајдук ќе има ВАР-судија со необична епизода зад себе. За видеопроверките на натпреварот во Гибралтар е назначен Бартош Франковски, полскиот арбитер кој во 2024 година беше суспендиран од УЕФА по инцидент под дејство на алкохол.
Франковски тогаш требаше да извршува ВАР-должност на квалификацискиот дуел за Лигата на шампионите меѓу Динамо Киев и Ренџерс. Наместо во судиската соба, тој и неговиот колега Томаш Мусјал завршија на полициско трезнење во Лублин.
Полицијата ги привела во август 2024 година поради наводна кражба на сообраќаен знак. Кај двајцата биле измерени повеќе од 1,5 промили алкохол во крвта. Следуваше нивно отстранување од делегирањето за натпреварот, а УЕФА им изрече суспензија до јуни 2025 година. Двајцата подоцна јавно се извинија за случувањата.
Сега Франковски е дел од полскиот судиски тим за средбата на Хајдук во Гибралтар, а во ВАР-собата со него ќе биде Лукаш Шчех.
На теренот главен судија ќе биде 31-годишниот Патрик Грикјевич. За него ова ќе биде прво делење правда во лигашката фаза на некое европско натпреварување. Помошници ќе му бидат Марчин Бониек и Бартош Кашињски, додека улогата на четврти судија му е доверена на Матеуш Пишчелок.
Фото: Index.hr
Учество во игри на среќа е дозволено за лица со 18+ години. Играј одговорно!