Енди Родик во својот подкаст призна дека е изненаден од брзината на рехабилитација на Новак Ѓоковиќ по повредата на Австралијан Опен и предавањето во полуфиналето на Александар Зверев.
– Ја видов таа снимка од повредата на задната ложа што Ѓоковиќ ја постави на интернет, сфатив дека ситуацијата не е добра и го испратив до еден пријател доктор. Тој ми рече дека таквата повреда обично бара шест недели опоравување и мислев дека нема да го видиме пред Мастерсот во Монте Карло.
Родик признава дека погрешил во процената:
– Како и секогаш, мојата пресметка беше погрешна. Веќе го видовме во Доха, а сега ќе игра и на Индијан Велс. Сигурен сум дека никој не го очекуваше тука кога се повреди во Австралија. Затоа беше одлична вест кога се појави. Го изгубија Синер поради суспензија, но го добија Ѓоковиќ.
Учество во игри на среќа е дозволено за лица со 18+ години. Играј одговорно!