Македонскиот фудбалер Стефан Ристовски стави крај на својата успешна авантура во Динамо Загреб, по четири и пол години минати во редовите на хрватскиот шампион. Клубот преку социјалните мрежи официјално ја потврди разделбата, објавувајќи емотивно видео.
Ристовски во Загреб пристигна во 2021 година и за кратко време се етаблираше како еден од столбовите на одбраната. Во тој период успеа да освои дури осум трофеи – четири шампионски титули, два Купа и два Суперкупа, а зад себе остава и импресивен биланс од 185 официјални натпревари, седум постигнати гола и 21 асистенција.
Данска vs. Македонија: Како тие се справуваат со отпадот, додека ние се расправаме кој е крив?
Во видеото Динамо се потсети на некои од највпечатливите моменти на Ристовски во синиот дрес, испраќајќи му благодарност за придонесот и професионализмот, но и му посака среќа во понатамошниот дел од кариерата.
Ристовски кариерата ја започна во Вардар, а подоцна настапуваше и за Парма, Кротоне, Фросиноне, Бари, Латина, Специја, Ријека и Спортинг Лисабон, пред да се врати на Балканот и да стане важен дел од хрватскиот гигант.
Учество во игри на среќа е дозволено за лица со 18+ години. Играј одговорно!