Реалов ултиматум до Французите: “Видете, тој мора да игра…”

Бразилскиот напаѓач Ендрик извесно ќе го засили Олимпик Лион во текот на јануари каде што ќе дојде на позајмица од Реал Мадрид.

Преговорите сè уште се водат, но одат во позитивна насока за сите страни и младиот напаѓач кој не е во плановите на Чаби Алонсо бидејќи има само 11 минути оваа сезона, што е единственото што го одигра во последните пет месеци – ќе го засили тимот на Пауло Фонсека.

Единственото што би можело да ја уништи таа идеја е неговата потенцијална повреда.

Реал Мадрид планира да ја покрие целата негова плата, но постојат одредени детали кои би можеле да доведат и до финансиски загуби за Лион. Имено, францускиот клуб ќе мора да плати одредена сума на Реал доколку Ендрик не одигра одреден број на натпревари.

Не е точно познато колкав е тој број натпревари ниту колку пари Лион би требало да плати во тој случај, но е јасно дека на Реал многу му е важно тој да игра.