Реал сака засилување во нападот: Перез пронајде идеално засилување во Премиер лигата!

Реал Мадрид секогаш се стреми да се засили со најдобрите играчи на светот. Флорентино е јасен дека за продолжување на доминацијата во Европа, клучно е да се потпишат елитни фудбалери. Имиња како што се Џамал Мусиала и Флоријан Виртц беа поврзани со Бернабеу во изминатите месеци.

Меѓутоа, како што минува времето, се помалку изгледни се нивното доаѓање. Ниту еден од нив не даде никакви наговештаи дека сакаат наскоро да ја напуштат Бундеслигата. Тоа доведе до тоа управата на Реал Мадрид да се фокусира на нова опција со голем потенцијал.

Неодамна во Премиер лигата се појави име што привлекува внимание на големите европски клубови. Неговата квалитетност, визија и способност за постигнување голови го направија еден од најперспективните играчи во денешниот фудбал. Неговите настапи биле толку извонредни што дури ги надминал Мусиала и Виртц по бројка во неколку аспекти.

Во текот на времето поминато во Манчестер Сити, сепак, мораше да се задоволи со споредна улога. Недостатокот на можности го натера на ризична одлука: да ја промени динамиката и да побара повеќе минути.

Промената му овозможи да го покаже својот полн потенцијал. Откако се приклучи на својот сегашен клуб, блескаше во Премиер лигата, сега Реал го смета за засилување за наредната сезона.

Станува збор за Кол Палмер кој минатата сезона се истакна со Челси и го изненади целиот свет. Брзо ги убеди сите дека е играч за големи нешта иако на Етихад не беше “ни на мапа”.

Гласините за неговото можно доаѓање во Реал Мадрид се засилија последните недели. Од Англија уверуваат дека интересот е вистински и дека играчот би бил подготвен на тој голем чекор. Сепак, Челси нема да го олесни тоа и би можел да бара рекордна сума за да го пушти.

Ако неговиот потпис конечно се оствари, Коле Палмер би се приклучил на списокот на англиски фудбалери кои играле за Реал Мадрид. Личности како Дејвид Бекам, Мајкл Овен и Стив Мекманаман имаа оставено белег во славниот клуб. Сега Палмер би можел да тргне по нивните стапки и да стане клучен дел од нападот на Реал Мадрид, каде што би ги здружил силите со репрезентативниот сународник Џуд Белингем.

Палмер би можел да биде уште една голема ѕвезда во нападот на Реал заедно со Мбапе, Винициус и Родриго, но сепак, прашање е дали е таков тип играч сега неопходен за Кралевите кои најголемите проблеми ги имаат во одбраната.

Сама помисла за доведување на Палмер ги одушеви навивачите на Реал. Сепак станува збор за 22-годишник кој веќе има две титули од Премиер лигата, Лига на шампиони и вредност од дури 130 милиони евра. Покрај тоа, може да игра како централен напаѓач, крило и полу-нападен играч.

Единственото што “не чини” кај Палмер, од перспектива на мадридџаните, е тоа што има договор до летото 2033 година, така што Плавците би инсистирале на некаква голема отштета.

Во меѓувреме, Реал го очекува многу важен и тежок натпревар вечерва во Ла Лига против градскиот ривал Атлетико, што ќе биде судир на двете првопласирани екипи на табелата. Дуелиот почнува во 21 часот.

Во моментот Реал е на врвот со 49 бодови, Атлетико има 48, а Барселона 45 бодови. Четири бода под Каталонците е Атлетик Билбао, последниот тим што во моментов држи позиција која води во Лига на шампиони.

Треба да се нагласи дека за неколку дена Реал го очекува тежок дуел со Манчестер Сити во плеј-офот на Лига на шампиони. Првиот дуел се игра на 11 февруари на Етихад, а реваншот е осум дена подоцна во Мадрид. Пред тој реванш, Реал има гостување кај Осасуна во лигата.