Ратклиф посочи пет ѕвезди кои не се достојни да го носат дресот на Манчестер јунајтед

Ко-сопственикот на Манчестер Јунајтед, Сер Џим Ратклиф, отворено проговори за предизвиците со кои се соочува клубот, посочувајќи дека неколку играчи се или преплатени или не ги оправдуваат очекувањата.

Тој нагласи дека тимот мора да се справи со последиците од трансфер грешките направени во минатото, кои, според него, скапо ги чинат клубот и неговите сопственици.

Во разговорот, Ратклиф истакна дека е потребно време за да се исправат минатите грешки, споменувајќи неколку клучни трансфери што клубот ги направил пред неговото доаѓање.

„Ако анализираме кого купуваме ова лето, тоа всушност се играчи што веќе сме ги донеле во претходните години – Антони, Касемиро, Онана, Хојлунд, Санчо. Без разлика дали тоа ни се допаѓа или не, ова е наследството што го презедовме и сега мора да најдеме начин да се справиме со тоа“, изјави Ратклиф.