Раниери го менува планот – Рим е на нозе!

Доаѓањето на Клаудио Раниери на клупата на Рома донесе преродба на “волчицата” и го врати оптимизмот во тимот од главниот град на Италија.

Под водство на искусниот 73-годишен стручњак, Рома веќе освои 30 бода во Серија А и од безизлезна ситуација сериозно се приближи до местата што водат во Европа.

Покрај тоа, Рома достигна до осминафинале во Лига Европа, каде што ќе се сретне со Атлетик Билбао.

Според договорот со челниците на клубот, Раниери требаше да остане тренер само до крајот на оваа сезона и потоа да премине на некоја од раководните позиции во клубот.

Многу познати тренерски имиња беа поврзувани со Рома, но во клубот веќе разгледуваат можност да му понудат нов договор за сезоната 2025/26. Навивачите го дочекаа ова со големо воодушевување.

Сега се чека одговорот од самиот Раниери, кој ќе одлучи дали ќе го прифати продолжениот мандат.