ПСЖ и Челзи го играат финалето во САД, но во Париз подготвени да реагираат ќе бидат 11.500 полицајци

Француската новинска агенција AFP информира дека главниот град на Франција, Париз, активно се подготвува за големото финале на клупското Светско првенство кое ќе се одржи во недела. ПСЖ и Челзи ќе се сретнат во Америка, започнувајќи со натпреварот во 21 часот. По тој повод, во Париз и пошироката околина ќе се применуваат строги безбедносни мерки, при што ќе бидат распоредени 11.500 припадници на полицијата и редарските служби на улиците на главниот град.

Истовремено, париските власти воведоа забрана за собирање на навивачите на улиците како и за организирано следење на финалето на јавни простори. Плоштадите Елисејските полиња и Плас де ла Конкорд ќе бидат затворени за пешаците и возилата. Овие мерки се дополнително заострени поради националниот празник (падот на Бастилја) што ќе се одбележи со воена парада во понеделник.

Значителниот број на полицајци се резултат на претходните инциденти што се случија ноќта по првата победа на ПСЖ во Лигата на шампиони. Во таа прилика, во Париз и околината настанаа голем број немири, по кои беа уапсени дури 563 лица, од кои скоро 500 единствено во Париз. Разрушена беше и голема материјална штета.