Проблеми во Јувентус: Фудбалер призна дека не го поднесува Мота

Фудбалерите на Јувентус испаднаа од Лигата на шампионите, а потоа и од Купот на Италија.

Но, тоа не се единствените проблеми за гигантот од Торино. Како што пишуваат италијанските медиуми „Кориере дела Сера“, еден од фудбалерите чиј идентитет не е познат, изјавил дека не го поднесува тренерот, Тијаго Мота.

Наводно, тој му се доверил на еден пријател и рекол дека не е единствениот што има такво мислење за стратегот.

„Не можам да го поднесам и не сум единствениот. Никогаш не можеш да знаеш што да очекуваш. Можеш да почнеш или да останеш на клупа цело време, 90 минути“, рекол еден од фудбалерите на тимот во кој игра и српскиот репрезентативец Душан Влаховиќ.

Ова не е прв пат во италијанските медиуми да се појавуваат шпекулации за лошиот однос меѓу Мота и тимот.