Пред натпреварот се фалеше, а еве што сега зборува газдата на Стеауа!

Екипата на Шкендија направи голем успех и вечерва со уште еден триумф во Букурешт си обезбеди сигурно најмалку место во Конференциската лига.

Големо разочарување овој пораз донесе кај првиот човек на ФЦСБ, Џиџи Бекали кој пред натпреварот зборуваше дека неговиот тим ќе слави со 3-4 голови разлика.

На теренот сепак, ситуацијата беше далеку од неговите очекувања бидејќи Шкендија речиси и целосно да ги неутрализираше нападите на домашниот состав.

„За фудбал повеќе нема да зборувам. Ви честитам, вие се молевте подобро од мене. Во наредните месеци ќе го заборавам фудбалот, срамно е тоа што се случи. Што можам да направам јас, ако Бог се грижи за вас, не за мене. Битката за Лигата на шампионите е минато, сега ќе се насочам кон животот. Најважно што никој не умре и никој не е болен. Зборував за фудбал кога тимот ми даваше право, сега немам што да зборувам“, порача Бекали.

Во следното, трето квалификациско коло во Лигата на шампионите, Шкендија ја чека двомеч со Карабах.