Потврдени ужасните вести за Енрике: Против Барса без четворката која играше финале во ЛШ!

Фудбалерите на Пари Сен Жермен денес пристигнуваат во Каталонија каде што во среда ќе играат против Барселона во дербито на второто коло од Лигата на шампионите.

Луис Енрике доби лоши вести, бидејќи нема да може да смета на неговата ударна напаѓачка тројка и на капитенот Маркињос. Помеѓу патниците за Каталонија не е Бразилецот, а во Париз остануваат и Усман Дембеле, Дезире Дуе и Квича Кварацхелија.

Ова претставува сериозен предизвик за Енрике, кој ќе мора да импровизира, особено во нападот, каде што од стандардните играчи на располагање го има само Бредли Баркола, додека Маркињос ќе го замени новакот Илија Забарниј.

Не треба да заборавиме дека сите четворица отсутни играчи беа од едни од најважните и минатата сезона, и дека сите почнаа во финалето од Лигата на шампионите, во кое ПСЖ го совлада Интер.

Добрата вест е дека по кратка пауза и полесни повреди се вратија Витиња, Фабијан Руиз и Жоао Невеш.

Натпреварот Барселона – ПСЖ е закажан за среда во 21.00 часот.

🔴🔵 Листата на тимот на ПСЖ за дуелот со Барса: Витинја, Жоао Невеш и Фабијан патуваат. Маркињос, Дује, Кварацхеља и Дембеле нема да бидат дел. pic.twitter.com/MAEXQptPvx

— BarçaTimes (@BarcaTimes) 30 септември, 2025