По драмата во купот Барселона подготви понуда за напаѓачот на Атлетико!

Синоќа неверојатен натпревар во Кралскиот куп играа Барселона и Атлетико Мадрид, а според шпанските медиуми, Барселона веќе денес подготви понуда за ѕвездата на “Јорганџиите”.

Во првиот натпревар од полуфиналето на Кралскиот куп, Барселона и Атлетико Мадрид одиграа нерешено 4:4.

Атлетико по шест минути имаше водство од 2:0 со голови на Алварез и Гризман, но сè се промени до полувремето.

Барселона успеа да го сврти резултатот преку Педри, Кубарси и Мартинез.

Играчите на Ханси Флик дојдоа до четвртиот гол во 74-та минута кога погоди Левандовски.

Сепак, Атлетико Мадрид успеа да избегне пораз и со головите на Љоренте и Сорлот дојде до изедначување.

Реклами

Само ден по лудниот натпревар на Олимпискиот стадион во Барселон раководството на каталонскиот гиганат сака нов фудбалер, токму од тимот на Симеоне.

Конкретно, Барса е спремна да го доведе Јулијан Алварез под команда на Ханси Флик и подготви понуда.

Според извештаите на Фиџајес, тимот на Блауграна сака да понуди не помалку од 60 милиони евра за аргентинскиот напаѓач, како и еден играч за замена.

Наведените извори тврдат дека “жртвата” би бил Феран Торес, кој би преминал во Атлетико Мадрид во замена за Аргентинецот..

Останува да се види дали Атлетико е подготвен да се откаже од услугите на Јулијан Алварез, само една година по неговиот трансфер од 75 милиони евра од Сити.