Пандев: На Елмас повеќе му одговара Серија А, отколку Бундеслигата

Поранешниот македонски фудбалер Горан Пандев во интервју за „Радио Лацијале“ зборуваше за Елиф Елмас кој се врати во Серија А.

Лајпциг го купи Елмас за 25 милиони евра од Наполи, но македонскиот фудбалер не се покажа во најдобро светло во Бундеслигата и поради тоа се врати во Серија А, каде што ќе игра на позајмица за Торино.

„Враќањето на Елмас во Торино? Тој направи добро што се врати во Италија, мислам дека повеќе му одговара Серија А отколку Бундеслигата“, кажа Пандев.