Македонската фудбалска легенда Дарко Панчев во интервју за српскиот весник „Дневни спортски лист – Спорт“ зборуваше за повеќе теми, меѓу кои и за настапите на македонската фудбалска репрезентација во квалификациите за Светското првенство.
Панчев истакна дека Македонија покажува континуитет во добрите резултати и изрази надеж дека селекцијата конечно ќе се избори за историски пласман на Мундијал.
До кога ќе дишеме отровен воздух!? | Уште еден поткаст
„По овие квалификации, Македонија ќе игра бараж, што е резултат на стабилните настапи досега. Имаме реални можности да ја завршиме групата дури и на второто место зад Белгија и Велс. Репрезентацијата напредува веќе седум-осум години и би било прекрасно тоа да продолжи. Би било навистина феноменално Македонија првпат да се пласира на Светско првенство – дај Боже да се случи тоа“, рече Панчев.
До крајот на квалификациите, Македонија ја очекува само уште еден натпревар – гостување против Велс во Кардиф на 18 ноември. Нашиот национален тим има три бода повеќе од Велс, но и еден одигран меч помалку. На 15 ноември, Велшаните ќе гостуваат кај Лихтенштајн, а за Македонија е важно тие да не победат со повеќе од пет гола разлика.
Учество во игри на среќа е дозволено за лица со 18+ години. Играј одговорно!