Oва се кандидаите за нов тренер на Ѓоковиќ: Еден е фаворит

Пред Ролан Гарос Новак Ѓоковиќ бара нов тренер, а постои листа на очигледни кандидати за тоа место.

Најдобриот тенисер на сите времиња, Новак Ѓоковиќ, повлече (не)очекуван потег пред Ролан Гарос – одлучи да го отпушти Енди Мареј и да заврши соработката која не донесе титули. Српскиот тенисер се раздели со поранешниот колега во пријателски тон, а пред Ѓоковиќ сега се големи предизвици во продолжението на кариерата. Малку е време за коренити промени, а прашање е и дали веднаш ќе бара нов тренер.

Секако, ширум светот веќе се шепоти кој би можел да го наследи Енди Мареј и да започне соработка со тенисерот кој практично на секој турнир пишува историја. Ѓоковиќ ќе мора добро да размисли и да избере, а на листата на кандидати има и неколку исклучително интересни имиња – од легендарни тенисерки до Виктор Троицки.

Кога Ѓоковиќ се раздели со Иванишевиќ, странските медиуми пренесоа вест дека најдобриот на сите времиња би можела да го тренира жена! Тогаш се спомнуваа Амели Морезмо, Кончита Мартинез и Џуди Мареј, мајка на неговиот подоцнежен тренер Енди. Имаше и оние кои ја поддржуваа идејата дека легендарната Моника Селеш прифати својот прв тренинг ангажман и го води Новак Ѓоковиќ кон трофеите, но малку е веројатно дека тоа ќе се случи.

Во текот на оваа сезона видовме дека Ѓоковиќ е во одлични односи со шпанскиот тенисер Фернандо Вердаско, кој се врати од пензија за да играат заедно дубл на турнирот во Доха. Вердаско најави дека ќе биде и спаринг партнер на најдобриот тенисер на сите времиња, но тоа беше краткотрајна соработка и не беше планирано да останат долго заедно. Не е реално да се очекува дека Вердаско, кој досега беше тренер на Абдулах Шелбах и Алехандро Давидович Фокина, ќе стане првиот тренер на Ѓоковиќ.

Во првиот период многу е поверојатно тоа да биде “Чарли”, односно Карлос Гомес-Ерера (35). Поранешниот шпански тенисер некогаш беше дубл партнер на Ѓоковиќ, а веќе години е дел од неговиот тим. Најчесто Чарли спарингува со најдобриот на сите времиња, а покрај деловниот однос, Ѓоковиќ и Карлос станале извонредно добри пријатели.

Пред малку помалку од една година Ѓоковиќ во стручниот тим додаде и српскиот стручњак Борис Бошњаковиќ, кој главно беше задолжен за проучување на играта на противниците. Нивната соработка започна на Ролан Гарос 2024 година, а Бошњаковиќ заедно со Виктор Троицки биле забележани на тренинзите на Ѓоковиќ во Белград.

Минатите денови Ѓоковиќ тренираше во Белград, а неговиот поранешен колега од Дејвис куп тимот беше на теренот. Станува збор за Виктор Троицки, селекторот на српската тениска репрезентација, но и еден од најдобрите српски тенисери на сите времиња. Троицки во кариерата достигна 12. позиција на АТП листата, освои три трофеи и пет пати играше четврто коло на гренд слем турнирите. Од тенисот заработи преку девет милиони долари, а по играчката кариера се посвети на тренерската кариера.

Виктор Троицки е долгогодишен селектор на Дејвис куп тимот на Србија, а покрај тоа работеше со Хамад Меџедовиќ и Миомир Кецмановиќ. Најголемиот успех во тренерската кариера му е освојувањето на златниот медал на Олимписките игри во Париз, бидејќи како селектор на националниот тим беше во стручниот тим на Ѓоковиќ за време на тој турнир.

Интересно е тоа што тенискиот турнир на претходните Олимписки игри се играше токму на терените на Ролан Гарос. Новак Ѓоковиќ често истакнува дека златниот медал освоен за Србија му е еден од најголемите успеси во животот, а како што стојат работите, во Париз повторно би можеле да го видиме тандемот Ѓоковиќ – Троицки. Овој пат во поход на 25. гренд слем и 100-та АТП титула во кариерата.