Напаѓачот на Наполи, Виктор Осимен, зел боледување со кое го оправдал неговото отсуство од стартот на подготовките на шампионите додека чека да се постигне договор меѓу „партенопеите“ и Галатасарај за неговиот трансфер.
Двата клуба продолжуваат да преговараат околу структурата на плаќањата на 75-милионската ослободителна клаузула на нигериецот. Според последните информации, Наполи бара 55 милиони евра да бидат платени веднаш, а останатите 20 милиони да бидат сплатени на рати. Најновата понуда на турскиот гигант изнесува 40+35 милиони.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Додека не се заврши договорот, Осимен останува играч на Наполи, што значи дека денес требаше да започне предсезонски припреми со остатокот од екипата на Антонио Конте.
Според информациите во Италија, Осимен претставил на клубот боледување, со кое се ослободил од присуство. Нема јасност каква е дијагнозата и колку долго време ќе биде оправдано неговото отсуство на овој начин.
Учество во игри на среќа е дозволено за лица со 18+ години. Играј одговорно!