Oдлична Македонија: Норвешка ја испративме со убедлива победа!

Mакедонската кошаркарска репрезентација славеше убедлива победа против Норвешка во Гевгелија со 58:36.

Гостите од Скандинавија беа достојни противници само во третата четвртина која заврши со 11:11. Во последната Македонија рутинирано ја одбрани победата за конечни 58:36.

Бојан Крстевски беше одличен во нашите редови со дабл-дабл од 14 поени и 10 скокови, 14 поени постигна и Војдан Стојановски. Во вториот натпревар од нашата група Словачка тесно ја победи Данска со 74:70.

Македонија засега во групата со максимални три победи во три натпревари е лидер во групата и имаме одлични шанси да се пласираме во главните квалификации. В недела кошаркарите ги очекува нов натпревар против Данска, дуелот е закажан од 19:00 часот исто така во Гевгелија.