Нов проблем за Флик: Уште еден фудбалер можеби ќе го пропушти „Ел Класико“.

Лошите вести за Барселона не престануваат пред претстојното Ел Класико кое е закажано за недела на Сантјаго Бернабеу.

Како што јавуваат шпанските медиуми, холандскиот играч од средината на теренот Френки Де Јонг денес не тренираше и се врати дома од просториите на клубот за да се одмори.

Додека се чека да се утврди точната здравствено состојба на играчот, важно е да се напомене дека и Андрес Кристенсен пропушти натпреварот со Олимпијакос поради гастроентеритис.

Данецот исто така сѐ уште не е целосно подготвен, иако се очекува да биде вклучен во тимот за средбата со Реал Мадрид.

Тренерот Ханси Флик, додека чека на враќањето на Рафинја, веќе не може да смета на Тер Штеген, Жоан Гарсија, Гави, Левандовски и Дани Олмо.

Останува да видиме дали Де Јонг ќе биде додаден на овој список.