Нов пресврт во судењето за Марадона – уапсен е телохранителот!

Аргентинскиот суд задолжен за судењето во врска со смртта на Диего Марадона нареди апсење на поранешниот телохранител на аргентинската фудбалска ѕвезда, Хулио Корија, поради лажно сведочење.

Судиите ги прифатија доказите на обвинителството во врска со кривичното дело лажно сведочење, пренесе судот.

Во Буенос Аирес е во тек процес против седум медицински работници поради немарност која потенцијално придонесла за смртта на Марадона.

Се очекува сослушувањата да траат до јули оваа година. Марадона почина во изнајмена куќа во Буенос Аирес две недели по операцијата. Кога бил пронајден, било речено дека починал од последици од срцев удар, наведува „Гардијан“.

Телохранителот беше повикан како сведок поради блискоста со Марадона, а во текот на судењето обвинителот тврдеше дека лажел дека не разговарал со докторот на Марадона, Леополдо Дука, пред смртта и дека не бил пријател со него.