Нејмар во центарот на скандал во Бразил: Тајна забава, ескорт дами и очаен потег на неговиот татко

Бразилскиот фудбалер Нејмар се наоѓа во центарот на нов скандал, бидејќи беше објавено каква забава посетил минатата недела, а сето тоа во ек на наводна повреда поради која не игра за Сантос и ја откажа својата појава на собирот на репрезентацијата на Бразил.

Нејмар не играше за Сантос почетокот на неделата против Коринтијанс поради повреда, а секако веднаш почнаа шпекулациите дека намерно го пропуштил овој натпревар поради роденденот на неговата сестра што веќе со години се случува.

Во текот на времето додека играл за Барселона, ПСЖ и Ал Хилал, често во периодот на роденденот на неговата сестра бил повреден, што предизвика сомнежи и овој пат дека станува збор само за изговор.

Сепак, откако Нејмар го откажа учеството на собирот на репрезентацијата на Бразил, многумина сфатија дека овој пат не глуми и дека навистина има проблеми со повредата, бидејќи е познато колку беше возбуден за враќањето во националниот тим.

Бразил нема да може да смета на Нејмар во натпреварите против Аргентина и Колумбија, а селекторот Доривал подоцна решил да му упати повик на Ендрик.

Сепак, Нејмар е и натаму главна тема во Бразил поради новиот скандал во кој се најде, бидејќи се појавија информации дека минатата недела бил на тајна забава што повторно внесе раздор во неговото семејство.

Бразилските медиуми брујат за тајна забава на која бил Нејмар минатата недела, а истата ја организирал еден од неговите пријатели во својот дом.

Наводно, на забавата со Нејмар биле уште неколкумина негови пријатели, а подоцна истата се “проширила” со пристигнувањето на други луѓе, претежно девојки.

Сѐ почнало кога една ескорт дама која тврди дека била таму таа ноќ со Нејмар, им понудила на новинарите видео од забавата на кое се гледа и играчот на Сантос. Еден од новинарите бил подготвен да плати речиси 9.000 долари за видео, но на крајот купец бил таткото на Нејмар.

Наводно, тој го откупил видеото за 10.000 долари и барал од таа девојка да не смее во јавност да зборува за забавата на која била со Нејмар.

Нејмар според информациите ја поминал ноќта со две ескорт дами – Пропушти натпревар за Сантос и враќање во Националниот тим поради повреда ❌❌

Бразилските медиуми зборуваат за нов пресврт во скандалот:

Минатата недела, Нејмар присуствувал на тајна забава во куќа на пријател. Најискрено, нарачале 10 придружници, а подоцна,… pic.twitter.com/LqW5REh6tG

— Football Factly (@FootballFactly) 15 март, 2025

Сепак, во ТВ емисијата Фофокализандо, моделот Ани Авуада откри дека Нејмар на тајната забава бил со две ескорт дами и дека постојаното видео докажува дека тој повторно бил неверен на својата сопруга која е бремена.

Во текот на емисијата која одеше во живо, се јави и таткото на Нејмар кој го негираше сето тоа и порача дека неговиот син не бил на никаква забава, ниту го откупил какво било видео.

Ова е чисто кино 🍿 🎥

Темата на програмата е неверството на Нејмар и Нејмар е момче-амбасадор во рекламниот блок.
pic.twitter.com/KORP6Z2Y4X

— Луан Гомес (@luanufal) 15 март, 2025