Навивачите бесни: Легендите на Манчестер јунајтед морале да купуваат карти од препродавачи

Легендата на Манчестер Јунајтед, Пол Сколс, сподели дека бил присилен да набавува билети за натпреварите на „Олд Трафорд“ преку препродавачи, додека неговиот поранешен соиграч Ники Батт изјави дека замалку ќе ја изгуби сезонската карта бидејќи клубот не го препознал. Овие шокантни тврдења беа откриени во еден подкаст, одразувајќи го големиот јаз помеѓу поранешните ѕвезди и актуелното раководство на клубот, кое се чини дека е „целосно различно“ од периодот на Сер Алекс Фергусон, пренесува Goal.com.

Во гостување на подкастот „The Good, The Bad & The Football“, Сколс ги сподели своите фрустрирачки искуства при добивање на билети. Иако поминале 13 години откако ја заврши славната кариера со 11 трофеи од Премиер лигата, би се очекувало лесно да има комуникација со клубот.

„Ова е сосема различен фудбалски клуб од оној кој го познававме“, започна Сколс, на што Бат се согласи: „Ниту јас веќе не познавам никого таму.“

Сколс продолжи со конкретна приказна: „Имам четири сезонски карти што ги користиме… мојот син оди секој викенд. Луѓето ме прашуваат за билети. Еден пријател од Салфорд сакаше да присуствува на натпреварот оваа недела, требаше да добие неколку билети. И што направив? Повикав препродавач. Можам ли воопшто да го кажам тоа? Искрено, познавам еден препродавач.“

Ники Батт, исто така легенда на клубот, сподели уште понеобична приказна. На неговиот син му се закануваше губење на сезонската карта поради неприлагодливост. „Мојот син има ист проблем“, објасни Батт.

„Ако не ја искористиш картата три пати, ти ја одземаат. Добиавме е-пошта со порака дека ни ја одземаат картата. Го повикав клубот и побарав да зборувам со некого за ова. Прашаа ‘со кого зборуваме, ве молиме?’, а јас реков Ники Батт. Одговорија: ‘Добро, а кој е тоа?’“

На тоа, Сколс се нашали: „Кој е тоа? Дали е тој што играше за Њукасл?“, а Батт заклучи: „Не можев тоа да го кажам, но си помислив: Играв околу 450 натпревари за овој клуб!“

И покрај сè, Скослс не бара посебен третман. „Не се жалам на ова. Тоа е како што е. Само затоа што сте играле за клубот, не значи дека имате право на специјални привилегии“, рече тој.