Наполи донесе фудбалер за 30 милиони евра

Сам Беукема е најновото засилување за Наполи – овој поранешен дефанзивец на Болоња потпиша долгорочен договор од пет години со италијанскиот клуб.

Наполи плати 30 милиони евра за 26-годишниот Холанѓанец, а неговата годишна плата ќе изнесува три милиони евра. Ова е петто засилување за Наполи во ова лето, откако пристигнаа Кевин Де Брујне, Лука Маријануциќ, Ноа Ланг и Лоренцо Лука.

Беукема пристигнува по две успешни сезони во Болоња, каде одигра вкупно 80 натпревари во сите натпреварувања, вклучувајќи ги и осумте натпревари од Лигата на шампионите минатата сезона.

Од неговото доаѓање од АЗ Алкмар во 2023 година, само Ремо Фројлер има повеќе официјални настапи за Болоња. Исто така, меѓу дефанзивците во Серија А во последните две сезони, повеќе успешни додавања од Беукема имале само Џовани Ди Лоренцо и Еван Ндика.