Најголемиот летен трансфер е договорен: Ѓокереш одлучи за кого ќе потпише

Шведскиот напаѓач Виктор Ѓокереш ова лето ќе биде меѓу главните мети кога станува збор за трансфер периодот, но изгледа дека веќе е јасно во кој клуб ќе ја продолжи кариерата.

Ѓокереш оваа сезона игра во неверојатна форма во дресот на лисабонскиот Спортинг, и е јасно дека португалскиот клуб тешко ќе го задржи во своите редови летово.

Иако летниот трансфер период започнува дури во јули, интересот за овој напаѓач е неверојатен бидејќи многу клубови би го довеле со задоволство.

Но, како што стојат работите, Ѓокереш ќе ја продолжи кариерата во Англија и изгледа дека веќе донел одлука во кој клуб.

Интерес за него покажаа Ливерпул, Челси и Арсенал со кои овој 26-годишник е во контакт, но како што пишуваат медиумите во Португалија, познато е кој е неговиот „фаворит“ од тие клубови.

Португалска „А Бола“ утринава пишува дека Ѓокереш им соопштил на челниците на Спортинг дека сака да оди во Арсенал и дека со лондонскиот клуб веќе сè договорил, и понудите на другите клубови воопшто не го интересираат.

Најмногу пари му нуди Челси, а Ливерпул му гарантираше место на првиот напаѓач. Но, Ѓокереш верува дека Арсенал е најдобриот избор за него и дека најдобро би се вклопил во екипата на „Емирати“.

Фото: Sporting Lisabon/FB