Фудбалерите на казахстанскиот Кајрат од Алмати утре го започнуваат својот деби настап во Лигата на шампионите на дуелот со Спортинг во Лисабон, a за овој натпревар го срушија рекордот за најдолго патување во историјата на ова натпреварување.
Екипата на Кајрат прелета дури 7.200 километри со авион преку шест часовни зони, што не се случило досега во 71-годишната историја на ова врвно европско фудбалско натпреварување.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Претходниот рекорд го држеа Бенфика и Астана во 2015 година, кога овие два клуба патуваа приближно по 6.164 километри во еден правец за да ги одиграат своите натпревари во Лигата на шампионите.
Во оваа сезона, Кајрат ќе има четири гостувања против Арсенал, Интер, Копенхаген и Спортинг, минувајќи вкупно 44.982 километри. На домашен терен ќе ги пречекаат Реал Мадрид, Клуб Бриж, Олимпијакос и Пафос.
✈️ Kairat Almaty of Kazakhstan have landed in Lisbon ahead of their UEFA Champions League debut against Sporting on Thursday evening.
— The Sweeper (@SweeperPod) September 16, 2025
Flying a total of 7,200km across six time zones, it is the record away day in the 34-year history of the UCL / 71-year history if you include the… pic.twitter.com/8Bv8pZTHZP
Историскиот пласман дојде откако Кајрат ги елиминираше Селтик во плејофот од квалификациите, правејќи ги најисточниот тим кој некогаш учествувал во групната фаза на Лигата на шампионите.
Кајрат минатата година ја освои титулата првак на Казахстан за четврти пат, по победата со 1:0 против Атиру во последното коло, со што завршија со еден бод повеќе од Астана.
Оваа сезона, по 20 кола, се наоѓаат на третото место со 43 бодови, колку што има и второпласираната Астана, додека на чело е Тобол со еден бод предност пред нив.
Учество во игри на среќа е дозволено за лица со 18+ години. Играј одговорно!