Капитенот на хрватската ракометна репрезентација Домагој Дувњак (36) се повреди во петокот навечер на почетокот на натпреварот против Аргентина (33:18) во второто коло на Светското првенство. Излезе од игра во осмата минута, лесно шепаше до клупата, а потоа медицинскиот тим му пружи помош во соблекувалната. Почувствува болка во листот, а во соблекувалната отиде во солзи.
Од ХРС потврдуваат дека има повреда на листот: “По прегледот со магнетна резонанца потврдена е повреда на листот кај капитенот Домагој Дувњак. Поради тоа селекторот Дагур Сигурдсон го повика Игор Карачиќ и тој треба денеска да се приклучи кон репрезентацијата.”
Викендов најинтересно во Серија А и на СП во ракомет ↓↓↓
Состојбата моментално е комплицирана, па ниту по прегледот на резултатите и состојбата на Дувњак не може да се каже дали сигурно нема да продолжи на турнирот. Засега е доста неизвесно дали ќе игра утре против Египет во важниот натпревар за развојот на борбата за четвртфиналето на турнирот.
Во најлошото сценарио, оваа повреда би значела дека турнирот за Дувњак е завршен, а со тоа и неговата репрезентативна кариера. Ова му е последното големо натпреварување со репрезентацијата. Има 36 години и зад него се многу успеси, од кои последната е среброто од Европското првенство 2020 година.
Во првиот натпревар против Бахреин постигна два гола. Слично му се случи и на Европското првенство 2018 година, кога се повреди на отворањето. Хрватска тогаш играше против Србија.
Учество во игри на среќа е дозволено за лица со 18+ години. Играј одговорно!