Мукаетов: Желба се три победи, навивачите нека дојдат во што поголем број!

Репрезентацијата на Македонија е подготвена за настапот на Светското првенство, а своите очекувања на денешната прес-конференција ги искажа и првиот човек на РФМ, Живко Мукаетов.

Македонија на првенството игра во групата „Д“ каде што се уште: Унгарија, Холандија и Гвинеја.

„Мило ми е што годината ја започнуваме со подготовки за уште едно големо натпреварување. Благодарност и до Телеком за соработката и тоа што останува партнер на РФМ.

Благодарност до ракометарите, стручниот штаб и целата јавност, ги повикуваме фановите да дојдат во што поголем број бидејќи оваа репрезентација тоа го заслужува. Првата желба е да се помине групната фаза, а за мене лично успех би биле три победи на овој шампионат, тоа е мојата желба“; изјави Мукаетов.