Милан работи на големо летно засилување

Самуеле Ричи, италијанскиот репрезентативец и ѕвезда на Торино, се чини дека ќе биде првото летно засилување на Милан, тоа го објави „Газета дело Спорт“.

На 23-годишна возраст, Ричи значително се истакна во Серија А, етаблирајќи се како еден од врвните играчи за врска. Ова привлече внимание кај голем број европски клубови.

Иако потпиша нов договор со Торино, тој доби надимак „новиот Пирло“.

Во неговиот договор, сепак, постои ослободителна клаузула вредна 50 милиони евра која неколку клуба се спремни да ја исплатат.

Преговорите со неговиот агент се во напредна фаза за Милан. Ричи го даде својот пристанок на „росонерите“, очекувајќи се неговото доаѓање на „Сан Сиро“ како прво од летните засилувања.