Mијатовиќ најави спектакуларен трансфер во Реал Мадрид: Не ме прашувајте како знам!

Предраг Мијатовиќ, најистакнатиот член на Работната група која раководи со Фудбалскиот клуб Партизан, најави голем трансфер, но не на тимот за кој моментално работи, туку на оној во кој некогаш бил спортски директор и чија е играчка легенда.

Мијатовиќ, кој долго време го нема во српските медиуми каде што некое време беше сеопфатен, најави дека напаѓачот на Манчестер Сити, Ерлинг Халанд, во иднина ќе премине во Реал Мадрид.

Норвежанецот има договор со Сити до 2034 година, но Мијатовиќ е уверен дека ќе игра во дресот на Реал многу порано.

“Мислам дека тоа ќе се случи. Тој не ја изрази јавно таа желба, но јас од сигурен извор знам дека би сакал да биде играч на Реал Мадрид. Тоа го знам. Не прашувајте ме како знам, но знам. Ако му предложите можност да дојде во Реал, мислам дека не би се двоумел”, изјави Мијатовиќ за “Ел Чирингито”.

Откако дојде во Сити, Халанд одиграл 133 натпревари и постигнал 117 голови.

Реал и Сити утре во 21 часот ќе играат во Мадрид во реваншот на плеј-офот за пласман во осминафиналето на Лигата на шампионите. Реал го доби првиот меч со 3:2.

💣 “Мислам дека ХАЛАНД ЌЕ ИГРА за МАДРИД, знам дека тој го САКА тоа”.

☕️ Мијатовиќ го фрла “атоменото” во “Ел Кафелито” со @jpedrerol.

‼️ Овој вторник, во 15:30, целото интервју на YouTube, Facebook, Ivoox и Spotify. pic.twitter.com/CBиCh7sk92

— El Chiringuito TV (@elchiringuitotv) February 18, 2025