Меси во Мајами го запозна човекот по кого го добил своето име Леонел: Мајка ми ќе биде пресреќна

Лионел Меси не крие дека ужива во животот во Соединетите Американски Држави и речиси секојден има можност да запознае ѕвезди од различни области.

Пред речиси две години, Меси реши да го напушти ПСЖ и неочекувано ја продолжи кариерата во Америка каде што потпиша за Интер Мајами.

Одењето во Америка за него и неговото семејство беше одличен избор затоа што успеаја колку-толку да се повлечат од јавноста.

Меси со години беше „под лупа“ додека играше во Европа, а иако е еден од најпопуларните спортисти во светот, тој успеа да најде мир во Мајами и самиот призна дека е изненаден од тоа.

Освен на натпреварите во дресот на Интер, искусниот Аргентинец често е во центарот на вниманието затоа што има можност во Америка да запознае разни познати личности.

Многу актери, пејачи, бизнисмени и останати спортисти ја користат можноста да дојдат во Мајами за да го видат Меси на дело и да го запознаат.

Овој пат на натпреварот на Интер присуствуваше легендарниот пејач Леонел Ричи, по кого Меси го добил своето име.

„Кога Лионел го запознава Лионел. Неговата мајка му го дала името по мене и еве сега сме заедно. Прекрасно е што те запознав по сите овие години“, порача американскиот пејач.

🚨 Леонел Меси го запозна Леонел Ричи! Еве што објави Ричи на неговиот Инстаграм: “Кога Леонел го запознава Леонел! Неговата мајка му го дала името по мене… и сега сме тука. 😂 Прекрасно е што те запознав по сите овие години.” pic.twitter.com/4ynLARZDRA

— Рој Немер (@RoyNemer) 12 април, 2025

Фото: Интер Мајами/FB