Меси ја одби понудата од 1,4 милијарди, но сега доби уште подобра: „Ако прифати да потпише…“

Опсесијата на претседателот на Ал Итихад не престанува! Анмар Ал Хејли е подготвен да ги урне сите финансиски рекорди во историјата на спортот само за да го види Лионел Меси во жолто-црниот дрес.

Иако Аргентинецот веќе е во поодминати фудбалски години и ужива во Мајами, богатите Саудци не се откажуваат. Првиот човек на Ал Итихад повторно ја шокираше светската јавност со изјавата дека парите за доведување на еден од најдобрите фудбалери во историјата – едноставно не се пречка.

Ал Хејли јасно стави до знаење дека Меси може сам да ги избира условите, буквално како да има “празно чек” пред себе.

– Ако Меси прифати да потпише за Ал Итихад, ќе му понудам договор во кој може да заработи која било сума што ја посака, и тоа на временски период што тој го посака, дури и доживотно – изјави претседателот на саудискиот клуб.

Ова не е првпат Ал Итихад да го “испитува пулсот” на аргентинскиот магионичар. Ал Хејли ги потврди гласините дека во 2023 година, кога Меси го напушташе ПСЖ, на маса била понуда од која се врти во глава – неверојатни 1,4 милијарди евра!